قازاقستان رەسپۋبليكاسى ۇلتتىق بانكى باسقارماسىنىڭ قاۋلىسى № 204

2014 جىلعى 22 قازان,  الماتى قالاسى قازاقستان رەسپۋبليكاسىنىڭ ۇلتتىق بانكى باسقارماسىنىڭ «جيناقتاۋشى زەينەتاقى قورلارىنىڭ زەينەتاقىمەن قامسىزداندىرۋ تۋرالى شارتتار بويىنشا زەينەتاقى اكتيۆتەرى مەن مىندەتتەمەلەرىن بىرىڭعاي جيناقتاۋشى زەينەتاقى قورىنا بەرۋ قاعيدالارىن بەكىتۋ تۋرالى» 2013 جىلعى 26 شىلدەدەگى № 187 قاۋلىسىنا وزگەرىس پەن تولىقتىرۋ ەنگىزۋ تۋرالى قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن جەتىلدىرۋ ماقساتىندا قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى: 1. قازاقستان رەسپۋبليكاسىنىڭ ۇلتتىق بانكى باسقارماسىنىڭ «جيناقتاۋشى زەينەتاقى قورلارىنىڭ زەينەتاقىمەن قامسىزداندىرۋ تۋرالى شارتتار بويىنشا زەينەتاقى اكتيۆتەرى مەن مىندەتتەمەلەرىن بىرىڭعاي جيناقتاۋشى زەينەتاقى قورىنا بەرۋ قاعيدالارىن بەكىتۋ تۋرالى» 2013 جىلعى 26 شىلدەدەگى № 187 قاۋلىسىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 8671 تىركەلگەن, «زاڭ گازەتى» گازەتىندە 2013 جىلعى 25 قىركۇيەكتە № 144 (2345) جاريالانعان) مىناداي وزگەرىس پەن تولىقتىرۋ ەنگىزىلسىن: كورسەتىلگەن قاۋلىمەن بەكىتىلگەن جيناقتاۋشى زەينەتاقى قورلارىنىڭ زەينەتاقىمەن قامسىزداندىرۋ تۋرالى شارتتار بويىنشا زەينەتاقى اكتيۆتەرى مەن مىندەتتەمەلەرىن بىرىڭعاي جيناقتاۋشى زەينەتاقى قورىنا بەرۋ قاعيدالارىندا: مىناداي رەداكتسيادا 30-1-تارماعىمەن تولىقتىرىلسىن: «30-1. جيناقتاۋشى زەينەتاقى قورىنىڭ بىرىڭعاي جيناقتاۋشى زەينەتاقى قورىنا زەينەتاقىمەن قامسىزداندىرۋ تۋرالى شارتتارى بويىنشا زەينەتاقى اكتيۆتەرى مەن مىندەتتەمەلەرىن تولىق كولەمدە بەرۋ فاكتىلەرىن انىقتاعان جاعدايدا بىرىڭعاي جيناقتاۋشى زەينەتاقى قورى ءاربىر جيناقتاۋشى زەينەتاقى قورى بويىنشا ازىرلەنەتىن جانە وسى جيناقتاۋشى زەينەتاقى قورىمەن كەلىسىلەتىن جانە جيناقتاۋشى زەينەتاقى قورلارىنىڭ بىرىڭعاي جيناقتاۋشى زەينەتاقى قورىنا زەينەتاقىمەن قامسىزداندىرۋ تۋرالى شارتتارى بويىنشا زەينەتاقى اكتيۆتەرى مەن مىندەتتەمەلەرىن قوسىمشا اكتىسىمەن رەسىمدەلەتىن قوسىمشا ءىس-شارالارعا سايكەس جيناقتاۋشى زەينەتاقى قورلارىنىڭ بىرىڭعاي جيناقتاۋشى زەينەتاقى قورىنا زەينەتاقىمەن قامسىزداندىرۋ تۋرالى شارتتارى بويىنشا زەينەتاقى اكتيۆتەرى مەن مىندەتتەمەلەرىن قوسىمشا بەرۋ جۇزەگە اسىرىلادى. قوسىمشا ءىس-شارالار جوسپارىندا زەينەتاقىمەن قامسىزداندىرۋ تۋرالى شارتتار بويىنشا زەينەتاقى اكتيۆتەرى مەن مىندەتتەمەلەرىن جيناقتاۋشى زەينەتاقى قورىنىڭ بەرۋىن جانە بىرىڭعاي جيناقتاۋشى زەينەتاقى قورىنىڭ قابىلداۋىن قامتاماسىز ەتۋ ءۇشىن قاجەتتى ءىس-شارالاردى جۇرگىزۋ (ىسكە اسىرۋ) ءتارتىبى كوزدەلەدى. بىرىڭعاي جيناقتاۋشى زەينەتاقى قورىنىڭ, جيناقتاۋشى زەينەتاقى قورىنىڭ جانە باسقا دا مۇددەلى تاراپتارىنىڭ (قاجەت بولعان كەزدە) ءبىرىنشى باسشىلارى نەمەسە ولاردىڭ ورنىنداعى ادامدار قول قويعان قوسىمشا ءىس-شارالار جوسپارى كەلىسۋگە قازاقستان رەسپۋبليكاسىنىڭ ۇلتتىق بانكىنە بارلىق مۇددەلى تاراپتارى وعان قول قويعان كۇنىنەن باستاپ ءۇش جۇمىس كۇنىنەن كەشىكتىرمەيتىن مەرزىمدە جىبەرىلەدى. قازاقستان رەسپۋبليكاسىنىڭ ۇلتتىق بانكى ۇسىنىلعان قوسىمشا ءىس-شارالار جوسپارىن قارايدى جانە جوسپارلانعان ءىس-شارالاردىڭ تىزبەسىمەن جانە (نەمەسە) ولاردى ىسكە اسىرۋ مەرزىمدەرىمەن كەلىسپەگەن جاعدايدا, قوسىمشا ءىس-شارالار جوسپارىن العان كۇننەن باستاپ ءۇش جۇمىس كۇنىنەن كەشىكتىرمەيتىن مەرزىمدە زەينەتاقىمەن قامسىزداندىرۋ تۋرالى شارتتار بويىنشا زەينەتاقى اكتيۆتەرى جانە مىندەتتەمەلەرى قوسىمشا ءىس-شارالار جوسپارىنا سايكەس بەرۋگە جوسپارلانىپ وتىرعان بىرىڭعاي جيناقتاۋشى زەينەتاقى قورىنىڭ جانە جيناقتاۋشى زەينەتاقى قورىنىڭ اتىنا ەسكەرتۋلەرىمەن بىرگە حات جىبەرەدى. قازاقستان رەسپۋبليكاسىنىڭ ۇلتتىق بانكىنىڭ ەسكەرتۋلەرى ەسكەرىلە وتىرىپ تۇزەتىلگەن قوسىمشا ءىس-شارالار جوسپارى قازاقستان رەسپۋبليكاسىنىڭ ۇلتتىق بانكىنىڭ حاتىن العان كۇننەن باستاپ ەكى جۇمىس كۇنى ىشىندە ۋاكىلەتتى ورگانعا ۇسىنىلادى. بىرىڭعاي جيناقتاۋشى زەينەتاقى قورىنا قوسىمشا ءىس-شارالار جوسپارىندا انىقتالعان زەينەتاقىمەن قامسىزداندىرۋ تۋرالى شارتتار بويىنشا جيناقتاۋشى زەينەتاقى قورى زەينەتاقى اكتيۆتەرى مەن مىندەتتەمەلەردى بەرۋ كۇنى مىنالاردى ەلەكتروندى فورماتتا قالىپتاستىرادى جانە ورتالىق جيناقتاۋشى زەينەتاقى قورى زەينەتاقى اكتيۆتەرى مەن مىندەتتەمەلەردى بىرىڭعاي جيناقتاۋشى زەينەتاقى قورىنا بەرۋ ءتيىس سالىمشىلاردىڭ (الۋشىلاردىڭ) ءتىزىمىن جىبەرەدى. بىرىڭعاي جيناقتاۋشى زەينەتاقى قورى جيناقتاۋشى زەينەتاقى قورىنان اقپارات العان كۇنى: اۆتوماتتاندىرىلعان اقپارات جۇيەسىنىڭ دەرەكتەر بازاسىندا قاعيدالاردىڭ وسى تارماعىنىڭ التىنشى بولىگىندە كورسەتىلگەن سالىمشىلاردىڭ (الۋشىلاردىڭ) تىزىمدەرى بويىنشا كرەديتورلاردى انىقتاۋ مۇمكىن ەمەس زەينەتاقى اكتيۆتەرى بويىنشا كرەديتورلىق بەرەشەكتى ەسەپكە الۋ ءۇشىن سالىمشىلاردىڭ (الۋشىلاردىڭ) جەكە زەينەتاقى شوتتارىن جانە «انىقتاعانعا دەيىنگى باسقا دا سومالار» شوتتارىن اشادى; قاعيدالاردىڭ وسى تارماعىنىڭ التىنشى بولىگىندە كورسەتىلگەن سالىمشىلارعا (الۋشىلارعا) جەكە زەينەتاقى شوتتارىن اشۋ تۋرالى حابارلامانى ورتالىققا جىبەرەدى; قاعيدالاردىڭ وسى تارماعىنىڭ التىنشى بولىگىندە كورسەتىلگەن سالىمشىلارعا (الۋشىلارعا) جەكە زەينەتاقى شوتتارىن اشۋ تۋرالى اقپاراتتى جيناقتاۋشى زەينەتاقى قورىنا جىبەرەدى. ورتالىق بىرىڭعاي جيناقتاۋشى زەينەتاقى قورىنان قاعيدالاردىڭ وسى تارماعىنىڭ التىنشى بولىگىندە كورسەتىلگەن سالىمشىلار (الۋشىلار) تىزىمدەرى بويىنشا مالىمەتتەردى العان كۇنى: مىندەتتى زەينەتاقى جارنالارى ەسەبىنەن زەينەتاقىمەن قامسىزداندىرۋ تۋرالى شارتتى جاساعان جەكە تۇلعالاردىڭ بىرىڭعاي تىزىمىندە جيناقتاۋشى زەينەتاقى قورى بەلگىسىن بىرىڭعاي جيناقتاۋشى زەينەتاقى قورىنا وزگەرتەدى; بىرىڭعاي جيناقتاۋشى زەينەتاقى قورىنا مىندەتتى زەينەتاقى جارنالارى ەسەبىنەن زەينەتاقىمەن قامسىزداندىرۋ تۋرالى شارتتى جاساعان جەكە تۇلعالاردىڭ بىرىڭعاي تىزىمىنە اقپاراتتىڭ ەنگىزىلگەندىگى نەمەسە ەنگىزىلمەگەندىگى تۋرالى حاتتامانى جىبەرەدى; جيناقتاۋشى زەينەتاقى قورىنا سالىمشىلاردىڭ (الۋشىلاردىڭ) جەكە زەينەتاقى شوتتارىنىڭ جابىلۋى تۋرالى اقپاراتتى جىبەرەدى. جيناقتاۋشى زەينەتاقى قورى ورتالىق جانە بىرىڭعاي جيناقتاۋشى زەينەتاقى قورى بەرگەن اقپارات نەگىزىندە اۆتوماتتاندىرىلعان اقپارات جۇيەسىنىڭ دەرەكتەر بازاسىندا قاعيدالاردىڭ وسى تارماعىنىڭ التىنشى بولىگىندە كورسەتىلگەن سالىمشىلاردىڭ (الۋشىلاردىڭ) جەكە زەينەتاقى شوتتارىن جابۋدى جۇزەگە اسىرادى.»; 31-تارماق مىناداي رەداكتسيادا جازىلسىن: «31. ءاربىر جەكە جيناقتاۋشى زەينەتاقى قورى (زەينەتاقى اكتيۆتەرىن ينۆەستيتسيالىق باسقارۋدى جۇزەگە اسىراتىن ۇيىم) بويىنشا ءىس-شارالار جوسپارىندا كوزدەلگەن مەرزىمدەرگە سايكەس بىرىڭعاي جيناقتاۋشى زەينەتاقى قورىنىڭ جانە جيناقتاۋشى زەينەتاقى قورىنىڭ (زەينەتاقى اكتيۆتەرى ينۆەستيتسيالىق باسقارۋدى جۇزەگە اسىراتىن ۇيىمنىڭ) ورگاندارىنىڭ ءتيىستى شەشىمدەرى نەگىزىندە بىرىڭعاي جيناقتاۋشى زەينەتاقى قورىنىڭ جانە جيناقتاۋشى زەينەتاقى قورىنىڭ (زەينەتاقى اكتيۆتەرىن ينۆەستيتسيالىق باسقارۋدى جۇزەگە اسىراتىن ۇيىمنىڭ) وكىلدەرىنەن كوميسسيا (بۇدان ءارى – كوميسسيا) قۇرىلادى. كوميسسيا جويىلۋعا ءتيىس قۇجاتتار مەن اقپارات تىزبەسىن انىقتايدى. جيناقتاۋشى زەينەتاقى قورلارىنىڭ اۆتوماتتاندىرىلعان اقپارات جۇيەسىنىڭ دەرەكتەر بازاسىندا ساقتالاتىن سالىمشىلاردىڭ (الۋشىلاردىڭ) زەينەتاقى جيناقتارى تۋرالى اقپاراتتى, سونداي-اق زەينەتاقى جيناقتارى قۇپياسىنان تۇراتىن وزگە دە مالىمەتتەردى قامتيتىن اقپارات, ەگەر كوميسسيا شەشىمىنە سايكەس وزگەشە ايقىندالماسا, جويىلۋعا ءتيىس. وسى تارماقتىڭ ءۇشىنشى بولىگىندە كورسەتىلگەن اقپاراتتى جويۋ تۋرالى اكتىگە بىرىڭعاي جيناقتاۋشى زەينەتاقى قورىنىڭ جانە جيناقتاۋشى زەينەتاقى قورىنىڭ ءبىرىنشى باسشىلارى نەمەسە ولاردىڭ ورنىنداعى تۇلعالار قول قويادى جانە ولاردىڭ مورلەرىمەن راستالادى. كوميسسيا قاعيدالاردىڭ وسى تارماعىنىڭ ءۇشىنشى بولىگىندە كوزدەلگەن اقپاراتتى جويماۋ نە ءىشىنارا جويۋ تۋرالى شەشىم قابىلداعان كەزدە وسى اقپارات بىرىڭعاي جيناقتاۋشى زەينەتاقى قورىندا ساقتالادى.». 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى جانە 2014 جىلعى 1 قاڭتاردان باستاپ تۋىنداعان قۇقىقتىق قاتىناستارعا قولدانىلادى. ۇلتتىق بانك توراعاسى ق.كەلىمبەتوۆ. قاۋلى قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 5 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №9929 بولىپ ەنگىزىلدى.